Uncategorized

जागतिक एड्स दिन पंधरवडा निमित्त पोस्टर व व्हिडिओ मेकिंग स्पर्धा

जन संवाद वेब न्युज पोर्टल 

पंढरपूर दि. (24):- उपजिल्हा रुग्णालय पंढरपूर येथे जागतिक एड्स दिन पंधरवडा महाविद्यालयीन युवक युवती करिता एच आय व्ही व  एड्स क्षयरोग रक्तदान या विषयावर पोस्टर स्पर्धा तसेच शॉर्ट व्हिडिओ मेकिंग स्पर्धेचे आयोजन करण्यात आले  होते.  तसेच संसर्गित गरजूंना मोफत ब्लँकेट वाटप परम प्रसाद चारिटेबल ट्रस्ट संचलित विहान प्रकल्प यांच्या माध्यमातून देण्यात आले असल्याची माहिती उपजिल्हा रुग्णालयाचे वैद्यकीय अधिक्षक डॉ.अरविंद गिराम यांनी दिली.

 

जिल्हा शल्य चिकित्सक डॉ.प्रदिप ढेले यांच्या मार्गदर्शनाखाली उपजिल्हा रुग्णालयात कार्यक्रमाचे आयोजन करण्यात आले होते. कार्यक्रमास उपप्राचार्य प्रा. डॉ लतिका बागल, प्रा.करण पाटील, जिल्हा कार्यक्रम अधिकारी भगवान भुसारी, डॉ. प्रा महेश मठपती, डॉ प्रा दत्तात्रय काळेल, डॉ प्रा दत्तात्रय चौधरी, प्रा टी एस जोशी, प्रा यशपाल खेडकर, वरिष्ठ वैद्यकीय अधिकारी डॉ सयाजी गायकवाड, डॉ प्रसन्न भातलवंडे, डॉ अशा घोडके , डॉ संभाजी भोसले, डॉ अविनाश वुईके, डॉ. विनिता कार्यकर्ते, सिंधू लवटे रेखा ओंबासे, लतिका उराडे, मनीषा कुलकर्णी, मंगल कर्चे, रेवती नाडगौडा, अनुराधा वाघमारे उपस्थितीत होते.

यावेळी  वैद्यकीय अधिक्षक डॉ.गिराम म्हणाले कोरोनाच्या जागतीक  महामारी च्या कालावधीत एच आय व्ही संसर्गितास वेळेवर औषध उपचार व त्यांचे कोरोना लसीकरण यशस्वीपणे राबवित आहे. तसेच कोणताही भेदभाव न करता उपलब्ध चाचणी औषध उपचार तसेच संसर्गित गरोदर मातांना प्रसूतिपूर्व व प्रसूतीनंतर मोफत सेवा उप जिल्हा रुग्णालयात दिल्या जातात.

जिल्ह्यातील संसर्गित आकडेवारी त्यांना दिल्या जाणाऱ्या मोफत शासकीय, विविध योजना , एक खिडकी योजना व इतर सवलती यांची माहिती जिल्हा कार्यक्रम अधिकारी  भगवान भुसारी  यांनी दिली तसेच समाजातील सर्व घटकांनी  एच आय व्ही संसर्गित सोबत कोणताही भेदभाव न करता त्यांना माणुसकीची वागणूक द्यावी असे आवाहन त्यांनी यावेळी केले.

या कार्यक्रमास स्वेरिज कॉलेज ऑफ इंजीनियरिंग गोपाळपुर व कर्मवीर भाऊराव पाटील महाविद्यालय पंढरपूर यांनी सहभाग नोंदविला होता. याप्रसंगी मोठ्या प्रमाणात रेड रिबन चे बोधचिन्ह व  शेवट असमानतेचा,  शेवट एड्सचा, शेवट संसर्गित रोगाचा  सन 2021 या वर्षाचे घोषवाक्य रांगोळीतून साकारले होते. यावेळी शॉर्ट व्हिडिओ मेकिंग मध्ये स्पर्धेमध्ये प्रथम क्रमांक स्वेरी कॉलेज ऑफ इंजीनियरिंचे विद्यार्थी अक्षय माने, द्वितीय क्रमांक विभागून श्री प्रतिक जाधव व श्री अहमद नदाफ, तृतीय क्रमांक ज्ञानेश्वरी दास तसेच पोस्ट स्पर्धेत कर्मवीर भाऊराव पाटील महाविद्यालयाच्या विद्यार्थीनी कु. अश्विनी खरात, द्वितीय क्रमांक अंकिता राऊत व तृतीय क्रमांक श्रावणी भोसले  यांना  सन्मानपत्र पुष्पगुच्छ देऊन गौरविण्यात आले.

यावेळी एच आय व्ही संसर्गित रुग्ण जे मृत्युमुखी झाले त्यांना भावपूर्ण श्रद्धांजली अर्पण करण्यासाठी व नवीन यावी एच आय व्ही संक्रमण रोखण्याचा संकल्प करण्याकरीता कॅन्डल मार्च चे आयोजन केले होते. तसेच संसर्गित रुग्णांच्या बाबत भेदभाव न करणे व समानतेची वागणूक देणे अशी शपथ सर्वांना देण्यात आली.  कार्यक्रमाचे सूत्रसंचालन श्री पुरुषोत्तम कदम व आभार प्रदर्शन श्री बाजीराव नामदेव यांनी केले.

Leave a Reply

Your email address will not be published. Required fields are marked *